O pasado 30 de decembro, a Alianza Aresana transformouse en espazo para o encontro grazas á iniciativa ‘Con música e letra… karaoke na biblioteca!’, unha proposta cultural pensada para celebrar o Nadal cantando e compartindo algunhas risas.
Familias, crianzas e amizades animáronse a coller o micrófono, subir ao escenario e demostrar o seu espírito festivo con panxoliñas e outras composicións para poñer banda sonora á tarde.
Así despediu a veciñanza o ano con alegría e ritmo, facendo da biblioteca un lugar vivo nestas datas!
