A Alianza Aresana contará mañá sábado, 1 de outubro, data oficial de homenaxe ao neofalantismo, co espectáculo de Cándido Pazó “Botando a lingua a pastar”.
O recoñecido narrador e actor ofrecerá ás 19.30 un monólogo no que mestura contos de tradición oral con historias propias, unha actuación aberta a todo o público que tamén inclúe comentarios sobre a lingua galega desde unha perspectiva de humor e empatía.
INICIATIVAS CO FOCO POSTO NA MOCIDADE
A maiores, dentro da programación que se organiza no municipio con motivo do Día do Orgullo Neofalante, impulsada pola área de Cultura e o Servizo de Normalización Lingüística da Mancomunidade, a próxima semana estará centrada na mocidade, con actividades que inclúen a exposición itinerante “Cantámola” no CPI As Mirandas e a actuación de MJ Pérez na biblioteca municipal, destinada ao alumnado da ESO do centro educativo.
