A actuación promoverase o mércores, 28 de decembro, ás 18:00 horas representando a aventura de Pinocho con música, acordeón e piano incluido, e facendo fincapé na importancia de perseguir os soños.
A Concellaría de Cultura de Ares programa un contacontos musicado no salón de actos da Alianza Aresana para que as familias poidan achegarse a unha versión da historia de Pinocho atractiva. Cristian Leggiero e Paty Lesta serán os artistas encargados de representar “Cantando con Pinocho” o próximo mércores, 28 de decembro (18:00 horas), con entrada libre ata completar o aforo.
Serán 40 minutos dunha actuación que narra unha emocionante aventura, chea de sensibilidade, sobre a liberdade e a importancia de loitar por cumprir un soño. A través do piano e o acordeón, cantarán cancións inéditas compostas para a versión teatral de Pinocho e contarán valiosas leccións con música e diversión.
Toda unha oportunidade para escoitar un conto xa clásico por estas datas de Nadal!
