A concellaría de Deportes desexa lembrar a todos os participantes da XXXI Milla Urbana, que a entrega de dorsais levarase a cabo na Alianza Aresana.
Poderán recoller os seus dorsais os días xoves 3 e venres 4 de agosto, en horario de 9:00 a 13:00 horas. Se por algunha razón non poden asistir nesas datas, terán unha última oportunidade o mesmo día da carreira, sábado 5 de agosto, ata media hora antes do inicio da proba. Con todo, recoméndase aproveitar […]
O Concello adxudica as obras para a renovación do patio da Escolas do Lago
Mentres as obras no segundo edificio das Escolas do Lago avanzan a bo ritmo, o Concello vén de dar un paso definitivo na rehabilitación de todo o conxunto, tras a recente adxudicación das obras coas que se renovará o seu patio. A intervención permitirá o empedrado do chan do recinto exterior, e tamén do caleixón […]
O “ConciliAres” pon fin á súa programación lúdico-educativa do mes de xullo e prosegue coas súas actividades durante todo o mes de agosto!
O servizo de conciliación familiar e laboral da área de Benestar, o ConciliAres, encarou onte a súa última xornada de actividade correspondente ao peche de xullo, e estrénase hoxe nas actividades que desenvolverá durante todo o mes de agosto. Así, nesta nova etapa, continuarase ofrecendo unha variada programación centrada na diversión, pero sempre desde unha […]
O Concello vén de instalar o punto limpo móbil na súa nova localización semanal: Cortiñas Gil.
Durante toda esta semana, estará dispoñible nesta localización para os veciños e veciñas que desexen desfacerse de pilas, baterías, lámpadas, aceites, pequenos electrodomésticos, roupa e calzado de maneira adecuada. Tras isto, o punto limpo trasladarase á súa próxima parada, no núcleo urbano de Redes. Aproveita esta oportunidade para contribuír ao coidado do medio ambiente e […]
O Concello adxudica a renovación do Parque Infantil do Porto en Ares
A área municipal de Urbanismo informou hoxe sobre a adxucación da obra para a dotación dun parque infantil completamente novo que substituirá ao existente na zona do Porto, no núcleo urbano da localidade. A concelleira Olimpia Marcos comunicou a finalización do procedemento de contratación, que dará paso ao próximo inicio dos traballos. A actuación que […]
Cincuenta rapaces e rapazas participan estes días na XV Edición do Campus “Chiquibasquet”
Un total de 50 mozos e mozas de 5 a 18 anos anos participan desde este luns na decimoquinta edición do campus de baloncesto “Chiquibasquet”, dirixido polo adestrador ferrolán Chiqui Barros e que conta coa colaboración do Concello de Ares e a Federación Galega de Baloncesto. A actividade deportiva está a desenvolverse no pavillón municipal […]
A noite do sábado foi a quenda do concerto de Roi Casal na Praza da Igrexa!
Os asistentes gozaron coa actuación do afamado intérprete e compositor, na estrea da súa nova xira, “Ambos Mundos”, deleitando ao público con composicións que foron desde os ritmos latinos ao estilo pop!
Na noite de onte, para poñer o broche de ouro a unha fin de semana repleta de eventos, no parque de Rosalía organizouse un concerto con Debosses, un tributo a Bruce Sprinsteen, e O Cruce, a banda ferrolá de pop rock español
Foron unhas actuacións espectaculares cun público totalmente entregado!
O sábado pasado, nunha tarde adicada á rapazada, tamén houbo ocasión para que gozasen da súa propia PequeDisco a cargo de Moc Moc espectáculo!
Con coreografías guiadas, xogos musicais, circo, malabares… e sobre todo moito humor, mesturado con iluminación disco, máquina de fume e pompas de xabón, que fixeron saltar, xogar, bailar, rir e gozar a tódolos asistentes!
O espectáculo de Os Bolechas chegou o sábado a Ares!
Dentro da súa xira estival Os Bolechas recalaron en Ares este sábado, concretamente no Parque Rosalía, para facer as delicias dos máis pequenos e as súas familias a través dun teatro de marionetas!
Últimos días para inscribirse na XXXI edición da Milla Urbana!
A concellaría de Deportes lembra que o prazo de inscrición para a Milla Urbana estará aberto ata as 23:59 horas do martes, 1 de agosto, a través desta ligazón: https://www.carreirasgalegas.com/events/xxxi-milla-urbana-concello-de-ares/wKmn2GmY A XXXI Milla Urbana Concello de Ares, é unha proba oficial da FGA que forma parte do IX Circuíto provincial de Carreiras Populares da Deputación […]
O venres pasado, 28 de xullo, levouse a cabo a VI Homenaxe musical a Gildo Illobre na Igrexa Parroquial de Ares.
Organizado pola Rondalla Trobadores de Ares, coa colaboración da concellaría de Cultura e Adegas&Vinos Ares, este emotivo evento rendeu tributo ao legado musical de Gildo Illobre no municipio e na comarca. Veciños, amigos e familiares uníronse para honrar a súa memoria e celebrar a perdurable influencia da súa paixón pola música na nosa contorna.