A Policía Local vén de informar das vías que se verán afectadas polo dispositivo especial de tráfico e seguridade vial por mor da XX Carreira Popular de Fin de Ano que promoven os concellos de Ares e Mugardos o vindeiro 28 de decembro.
Haberá cortes temporais e desvíos para facilitar a realización da proba ao longo do percorrido de 10 quilómetros, afectando principalmente no caso do municipio aresá á AC-130, a contorna da rúa Celso Emilio Ferreiro (Saída e Meta), a Avenida de Mugardos, Avda. Saavedra Meneses, Avda. de Redes e Avda. Federico García Expósito.
Prégase ter en conta esta información durante a xornada do domingo, 28, así como seguir as indicacións dos axentes encargados do dispositivo de seguridade.
