Esta mesma mañá, a concelleira de Urbanismo, Olimpia Marcos, recibiu ao técnico de demarcación de Costas para supervisar os traballos de cimentación e reforzo no muro-escollera do paseo marítimo de Ares que se están a acometer nestes últimos días.

Unha actuación de aproximadamente 35.000 euros que, ademais, incluirá unha mellora do acceso ao Club Marítimo de Redes; arrexuntará a escollera de Area Morta e retirará árbores en situación de perigo no talude do Río Sandeo, na zona que lle corresponde á nosa localidade.