Pequenos e maiores achegáronse o venres pasado até o salón de actos da Alianza Aresana para coñecer a historia de Vicki, un neno ao que lle encanta cantar e bailar nunha aldea pouco afeita á alegría e que decide embarcarse nunha viaxe na procura do segredo da felicidade, co obxectivo de devolvela aos seus veciños e veciñas.
A través do teatro, a música e o humor, o espectáculo ‘Vicki e a felicididade’ convidou a pensar sobre a empatía, a igualdade, os coidados e a necesidade de mellorar as nosas vidas de xeito colectivo, co esforzo de cada un de nós.
O evento impulsouse dende a Concellaría de Cultura de Ares no marco da Rede de Dinamización Lingüística da Xunta de Galicia.
