Este mesmo venres, 26 de decembro, ás 20:30 h., a Concellaría de Cultura propón un espectáculo humorístico con Leti da Taberna para darlle unha pensada ás nosas vacacións e o tempo de lecer.
Leti interpretará un monólogo fiel ao seu estilo, con moita retranca e irreverencia, para ir de vacacións polo mundo sen moverse do asento do salón de actos da Alianza Aresana. Jastac Japi Jolidais convida ao público adulto a preparar a cámara selfie, abrir as redes sociais e preguntarmos se vivimos realmente como desexamos.
Proposta inscrita na Rede Cultural da Deputación da Coruña.
