Hoxe, 23 de xuño, conmemórase o Día Mundial da Síndrome de Dravet. Apoiando unha petición formulada pola Fundación Síndrome de Dravet, a fachada do Concello iluminarase esta noite de morado.
A síndrome de Dravet é unha forma rara de epilepsia, intratable e que comeza no primeiro ano de vida, cunha incidencia estimada de 1 cada 16.000 nacementos. As opcións de tratamento actuais son limitadas, e o coidado constante que requiren quen padece a síndrome afecta gravemente a calidade de vida do paciente e a súa familia.
O Concello súmase á campaña para darlle a maior visibilidade.
Máis información:
informacion@dravetfoundation.eu
https://www.dravetfoundation.eu/sobre-dravet/
