Mestra no Concepción Arenal da Habana, primeira muller en ocupar a Vicepresidencia da Sociedade Fillas de Galicia creada para defender ás emigrantes galegas de calquera abuso e participante no I Congreso de Mulleres de Cuba de 1923, Andrea López Chao foi unha desas referentes que loitou por avanzar na sociedade do século XX.

Comparte esta nota de prensa

A súa defensa do sufraxio feminino e da igualdade entre homes e mulleres expoñen a importancia de homenaxeala, xusto como se fixo o domingo pasado na Agrupación Instrutiva de Caamouco, conmemorando os 150 anos do seu falecemento este 2024 e o centenario do Hospital Hijas de Galicia da Habana que ela impulsou.

A xornada estivo promovida pola Comisión Organizadora da Homenaxe a Andrea López Chao e foi inaugurada por Dani García, presidente da Agrupación, e Alma Barrón, concelleira de Cultura, que fixo fincapé no compromiso de todo Ares coa memoria alén do mar.

Tamén asistiu Patricia Arés Muzio, bisneta de López Chao e directora en Psicoloxía na Universidade da Habana; Violeta Ramos Valdés, cineasta cubano-galega que traballa nun documental sobre a figura da mestra galega e do que se puido ver un pequeno avance; María Xosé Porteiro, xornalista e escritora; Daniel Vázquez Vila, historiador e Director en Estudos Culturais e a presidenta do Club de Prensa de Ferrol, Julia Díaz.

Pódeche interesar

Notas de prensa

Ares presenta a Festa do Arroz con Garrafón

A iniciativa contará co especialista paelleiro José Aira, que fará un arroz nunha paella xigante de case dous metros de diámetro con ingredientes que aluden