A nosa veciña Nuria Mahía Escudero vén de recibir esta mesma semana un recoñecemento dobre: o Premio Ángela Ruiz Robles á excelencia académica no seu Grao en Relacións Laborais e Recursos Humanos da Universidade da Coruña (UDC) tanto no curso 2022-2023 coma no 2023-2024.
O galardón, entregado en Santiago de Compostela este mércores pasado, é o principal premio aos mellores expedientes universitarios de toda Galicia, un reflexo do coñecemento como motor de progreso e de excelencia. E entre os 790 estudantes do conxunto das universidades galegas atópase Nuria Mahía, coma exemplo de traballo e constancia.
Noraboa, Nuria, por todo o esforzo que hai detrás dos dous recoñecementos!!
