A beleza de Mondoñedo foi a protagonista do percorrido que realizaron onte os participantes na ruta do SendAres 2023-2024, o programa municipal de sendeirismo da Concellaría de Deportes.
A paisaxe verde e os camiños para adentrarse no val do Río Valiñadares acompañaron aos 25 sendeiristas na súa exploración do patrimonio natural galego e dun lugar singular: a Cova do Rei Cintolo, unha das xoias xeolóxicas de Galicia polo seu tamaño (7.000 metros de galerías nunha estrutura laberíntica) e o forte protagonismo da auga na súa morfoloxía.
