Mañá, mércores, 13 de xullo, cúmprense 25 anos do asesinato de Miguel Ángel Blanco, concelleiro de Ermua, por parte da banda terrorista ETA, un crimen que conmoveu e conmocionou á sociedade e institucións españolas.
Con motivo deste feito, coma lembranza de Miguel Ángel Blanco, mais tamén coma recoñecemento a todas as víctimas do terrorismo, o Concello convoca á veciñanza a concentrarse ante a casa consistorial de Ares ás 12:00 horas, adheríndose á iniciativa promovida pola Federación Española de Municipios e Provincias (FEMP). Gardaranse cinco minutos de silencio en repulsa de toda clase de acto terrorista.
