Xa está todo listo na biblioteca municipal de Ares para gozar deste período festivo. De feito, nestes últimos días os máis pequenos e pequenas amosaron a súa creatividade no obradoiro de postais de Nadal, onde puideron colorear, debuxar e encher de brillos as súas tarxetas.
Mais tamén hai xa dispoñible para todo lector unha mesa tematizada coas lecturas que nos propoñen dende o equipo bibliotecario para as próximas semanas. Títulos que se ambientan nestas festas para vivir un Nadal diferente grazas á literatura. John Grisham, Megan Maxwell, O Apalpador, Teo na neve… aventuras escollidas para adultos e pequenos.
Sen dúbida, #ViveONadalViveAres!
