17 quilómetros foron os que percorreron os camiñantes da sexta ruta do SendAres 2024-2025, unha experiencia que transitou unha paisaxe cargada de lendas, historias ancestrais e cantís de beleza indómita.
O programa municipal de sendeirismo do Concello desenvolveu o seu último itinerario este pasado domingo arrancando a súa andaina no Cabo Ortegal, cruzando os montes do Limo para seguir o camiño das almas e encarar a volta desta travesía chea de simbolismo.
Acompañados polas ondas do mar, exploraron este territorio de moita literatura oral, onde se difuminan as fronteiras entre o mundo dos vivos e o dos mortos, unha zona liminar onde poden resoar os ecos dos defuntos. E así, coma sempre, natureza e deporte uníronse para conformar unha experiencia esixente e única.
Vémonos no seguinte SendAres!
