O venres quedou Inaugurado o Belén da Asociación O Tilo, un dos máis relevantes de Galicia

Comparte esta nota de prensa

O Nacemento, de máis de 50 metros cadrados e arredor de 300 figuras de barro lienzado, poderá visitarse no local da entidade, na esquina da rúa María con Federico García Expósito, ata o día 7 de xaneiro

O venres pasado levouse a cabo a inauguración do Belén da Sociedade Cultural O Tilo, un dos máis destacados de Galicia. A presidenta, Mar Bujones, participou no evento xunto cos membros da entidade. A cerimonia inaugural tamén contou coa presenza institucional da concelleira de Cultura, Alma Barrón, e a concelleira de Turismo, Lucía Blanco.

Durante o evento, os integrantes da Sociedade Cultural O Tilo compartiron detalles sobre a creación deste Nacemento, unha tradición que mantiveron durante máis de 25 anos. En 2022, o Belén de O Tilo foi incluído na guía de Beléns de Interese Turístico de Galicia, acreditándoo entre os máis notables do territorio galego.

De feito, o Nacemento é un dos máis grandes de toda Galicia, xa que ocupa un espazo de, nada máis e nada menos, máis de 50 metros cadrados. Nesta superficie están colocadas arredor de 300 figuras de barro lienzado de distintos tamaños (destas, algunhas superan os 20 cm e arredor de 40 son móbiles), que representan distintas esceas propias do Belén. Ademais, e como sempre, todo o Nacemento está decorado con materiais naturais.

O Belén de O Tilo, instalado na sede da entidade –no número 182 da rúa María, na esquina coa avenida Federico García Expósito-, estará aberto ata o 7 de xaneiro, en horario de 16.30 a 20.00 horas, de luns a domingos.  Nas xornadas do 24, 25 e 31  de decembro,  así como o 1, 5 e 6 de xaneiro o Belén non estará aberto ao público.

Ademais, existe a posibilidade de visitas concertadas, principalmente para grupos, a través do teléfono 669 404 425 e o correo electrónico sceltilo@gmail.com, en horarios de mañá.

Pódeche interesar

Notas de prensa

Mestra no Concepción Arenal da Habana, primeira muller en ocupar a Vicepresidencia da Sociedade Fillas de Galicia creada para defender ás emigrantes galegas de calquera abuso e participante no I Congreso de Mulleres de Cuba de 1923, Andrea López Chao foi unha desas referentes que loitou por avanzar na sociedade do século XX.

A súa defensa do sufraxio feminino e da igualdade entre homes e mulleres expoñen a importancia de homenaxeala, xusto como se fixo o domingo pasado