Nestes últimos días os nenos e nenas que se atopan inscritos na escola infantil da Galiña Azul visitaron a biblioteca para sacar a relucir toda a súa creatividade.
En varios grupos, as crianzas de entre 1 a 3 anos pasáronno en grande co obradoiro que lles tiña preparado o equipo técnico bibliotecario: ‘Facendo contos’, unha experiencia para que entrasen en contacto coa biblioteca municipal e a lectura da mellor forma posible.
O obradoiro fixo que os pequenos inventasen unha historia entre todos, para logo redactala e mesmo deseñar as súas personaxes. Con calcetíns e outros elementos que tiñan a man, o equipo bibliotecario fixo realidade á mariposa Rosa e o cempés Verdín, os protagonistas do relato infantil que saíu desta experiencia lúdico-cultural.
Pero o asunto non quedou só na creación do conto, senón que tamén se lles entregou a todos eles o seu primeiro carné de socios da biblioteca de Ares. Así puideron estrealo levándose para casa o seu primeiro préstamo do fondo municipal. Os vindeiros días serán, dende logo, xornadas con lecturas e moita diversión!
