Esta semana véronse polas rúas de Ares a uns cantos visitantes moi singulares: Papá Noel chegou dende o círculo polar ártico cos seus axudantes e, subido na súa carroza, escoitou a todo aquel que quixera formular os seus desexos nestas datas de Nadal.
Durante a tarde do martes, 24 de decembro, a cabalgata de Papá Noel visitou todas a parroquias da vila e parouse a falar e facerse fotografías cos pequenos e familias que se animaron a saír ao seu encontro para saudarlle.
Logo desembarcou no núcleo urbano da vila e, coa compañía da Sociedade Cultural O Tilo, que colabora xunto con Protección Civil de Ares no evento, achegouse até a biblioteca municipal para realizar a súa recepción á rapazada.
