A persoa afortunada co primeiro premio da campaña de fomento do consumo local, recibiu o seu premio onte: un cheque por valor de 500 euros! A concelleira de Comercio, Lucía Blanco, foi a encargada de entregar o cheque á gañadora, o cal dividirase en cantidades máis pequenas para facilitar o seu emprego nos negocios adheridos ao MercAres.
Con todo, é importante lembrar que a campaña segue en marcha ata o 31 de xaneiro, coa posibilidade de gañar outros importantes premios: vales rasca de 5, 10, 20 e 100 euros, que seguen dinamizando o consumo de proximidade nestas datas tan significativas para comercios e veciñanza!
