O I Trofeo de Baile Deportivo Concello de Ares e o Campionato Galego de Danza Coreográfica encheron as gradas do pavillón da vila cunha veciñanza ben disposta a gozar do espectáculo que propuxeron os e as bailaríns.
O Club de Baile Deportivo Narón escolleu Ares como a súa sede para as dúas competicións, e a resposta non puido ser mellor!
A Concellaría de Cultura estendeu o seu agradecemento tanto ao club, pola organización da xornada xunto co Concello, como a Protección Civil de Ares polo seu traballo de coordinación.
