O presidente da Agrupación de Protección Civil de Ares, Marcial Díaz, xunto co coordinador, Carlos Rivera, recibiron o material o pasado venres na sede da Deputación.
A Agrupación de Protección Civil de Ares, xunto con 20 agrupacións da provincia, resultou beneficiaria desta liña de axudas promovidas pola Deputación co propósito de impulsar a renovación de equipos. En concreto, a agrupación de Ares recibiu un novo equipo de comunicación, composto por un repetidor e catro transmisores portátiles de radio.
José Juan Vilar, edil de Seguridade, quixo destacar a importancia que supón para a base aresán contar con novos aparellos, adaptados ás necesidades actuais, que redundarán nun mellor desenvolvemento do seu labor.
