Se aínda non pasaches por diante da casa consistorial, tes ata este xoves, 24 de novembro, para botar unha ollada ó conxunto de paneis que amosan o traballo fotográfico e artístico de Xurxo Lobato; unha homenaxe ás persoas vivas que sufriron a represión franquista polas loitas obreiras na cidade naval no ano 1972.
Promovida pola Mancomunidade de Concellos da Comarca de Ferrol co apoio das asociacións Fuco Buxán e Asociación Cultural Memoria Histórica Democrática, a exposición dignifica a forte loita polos dereitos democráticos e sindicais, chave para a chegada e consolidación da democracia en España.
