Un ano máis o Concello de Ares, a través da súa Concellaría de Deportes, presentou o Campus de Fútbol de Verán que a Fundación Celta de Vigo levará a cabo o próximo mes de xullo no campo municipal de Prados Vellos.
Os nenos e nenas de 4 a 16 anos son os destinatarios desta iniciativa que xa nas edicións anteriores contou cun importante éxito de participación e que nesta ocasión desenvolverase entre os días 19 e 23 de xullo, en horario matinal.
Cada participante recibirá unha equipación completa de adestramento da marca Adidas e poderá disfrutar durante cinco días nos que mellorar o seu nivel futbolístico e convivir con outros nenos e nenas da súa idade.
Na presentación, os organizadores explicaron a metodoloxía de adestramento, de forma que en cada xornada as/os nenos dividiranse en grupos e os monitores, procedentes do club olívico e con ampla experiencia na formación deportiva, realizando diversos xogos nos que combinar a aprendizaxe dos aspectos técnicos sen perder de vista o carácter lúdico.
O campus se llevará a cabo desde as 9:45 ata as 13:45. Entre as 9:30 e as 9:45 se levarán a cabo os protocolos de entrada e entre as 13:45 e las 14:00 se levarán a cabo os protocolos de saída.
O prezo é de 132 euros para o público en xeral, establecéndose descontos para diversas categorías, que poderán consultarse na dirección www.rccelta.es , onde tamén formalizar a inscripción. No caso dos empadroados/as en Ares, xogadores das categorías inferiores do Numancia, e aboados do Celta de Vigo e/ou a Fundación o prezo é de 119 euros. No caso das inscricións efectuadas antes do 4 de xuño recibirán a maiores unha segunda camiseta de adestramento.
A presentación celebrada esta mañá no consistorio aresán, na que estiveron presentes a concelleira de Deportes, Noelia Montero, o Presidente da Fundación do Celta de Vigo, Germán Arteta, así como a Presidenta do Numancia ADR, Elena Fuentes, e o Delegado da Federación Galega de Fútbol en Ferrol Abraham Yáñez, colaboradores todos eles nesta edición do Campus, serviu para dar conta de todos estes detalles, ademais do obxectivo principal da iniciativa que, tal e como sinalaron os seus responsables, pretende achegar os valores do deporte á sociedade, tales como a superación, o traballo en equipo, o compañeirismo ou a creatividade.
