Durante este sábado e domingo xa pasados, Ares converteuse no epicentro da vela de Galicia na clase snipe. 20 embarcacións de todo o territorio galego chegaron á ría para participar no Campionato Galego Snipe de Vela 2024, un evento deportivo que rematou nas instalacións do Club Náutico Ría de Ares, onde se formalizou a entrega de premios ás parellas gañadoras.
Ao acto asistiu Alma Barrón, concelleira de Deportes da localidade; o presidente da Federación Galega de Vela, Manuel Villaverde, e o propio presidente do Club Náutico aresán, Ángel Barreiro.
