Como xa é tradición na vila, o Casino Aresano acolleu unha nova edición do Open Dominó Concello de Ares con xogadores de toda Galicia animándose a participar neste campionato organizado pola Asociación Recreativa e Deportiva Xabre e a Federación Galega de Dominó, incluíndo a estreita colaboración do Concello.
50 xogadores achegáronse até as instalacións do Casino para entrechocar as súas pezas e, ao mesmo tempo que competían polos trofeos, prepararse de cara ao campionato estatal desta práctica deportiva.
Para a entrega dos premios, entre eles un cheque-abono aos nove primeiros postos destinado a sufragar a participación no Campionato de España de Dominó, acudiu a edila de Deportes, Alma Barrón.
RELACIÓN DE GAÑADORES
PARELLAS
1º – Vicente Cabarcos – Antonio Silvar, do equipo Xabre.
2º – Manuel Carballal – Martínez, do equipo Olivo.
3º – Desiderio Pérez – Norberto, do equipo Xabre.
