Se non puideches asistir a algunha das sesións da Academia AresXSaúde ou estás interesado en temáticas vencelladas coa saúde, xa podes ver no Youtube institucional as charlas totalmente íntegras dos expertos e expertas que cada mes visitan a vila para entrar en contacto coa veciñanza.
O programa educativo do Concello aposta así pola divulgación para mellorar o benestar xeral dos veciños e veciñas, entendendo o coñecemento como unha das chaves á hora de dotar á cidadanía de máis ferramentas prácticas que impulsen a súa calidade de vida.
Na canle de Youtube municipal atoparás contidos relacionados coa automedicación, a xestión emocional ou a diabetes a un só click de distancia. E tamén poderás ver en directo cada charla da Academia AresXSaúde que se promova por parte das áreas de Deportes e Benestar.
Porque informarse é un primeiro paso para empezar a coidarse.
Preme aquí e accede directamente ao perfil de Youtube do Concello.
