Lugar: Casa da Xuventude de Ares
Datas: Do 18 de maio ao 8 de xuño
O Concello de Ares acolle esta mostra cedida polo Concello de Sober, un proxecto fotográfico de María Fernández que invita á reflexión sobre os modelos de masculinidade tradicional e a necesidade de avanzar cara relacións máis libres e igualitarias.
ANHELOS. EXPOSICIÓN FOTOGRÁFICA SOBRE A DECONSTRUCIÓN DA MASCULINIDADE TRADICIONAL
É necesario que os homes leven a cabo unha reflexión sobre a súa identidade e sobre a súa capacidade de transformación social, que sexan conscientes de que o proceso de socialización os envía e os sitúa baixo un modelo dominante de masculinidade tradicional asentado e reforzado por un sistema patriarcal férreo. Estes mandatos non lles deixan espazo para realizarse a eles mesmos, pois indícanlle como teñen que ser e como han de actuar, cadeas inxustas que os envolven limitando a súa existencia, dificultándolle, tamén, ter relacións xustas e igualitarias coas mulleres.
Dende o Concello de Sober, queremos reflexionar sobre a necesidade de deconstrución do modelo de masculinidade dominante, e sobre a necesidade de xerar novas formas de relación coas mulleres, vínculos mais libres para ambos e afastados do que a sociedade patriarcal nos inculcou e nos vendeu como “normal”. Por elo, por medio desta exposición fotográfica, queremos executar unha autocrítica cara esta masculinidade.
