Destinada ás persoas maiores de 55 anos para atender unha necesidade xeralizada —a de aprender nun contexto amable cuestións básicas dos seus terminais—, realizarase un percorrido por aplicacións e diferentes funcións dos móbiles, dende o uso de Google Maps ó visionado de vídeos en Youtube ou a banca electrónica.
O curso producirase durante os mércores en pequenos grupos para garantir sesións personalizadas, traballando con metodoloxías dinámicas e adaptadas ó ritmo de cada un. O obxectivo, en esencia, é trasladar un coñecemento cada vez máis necesario no contexto dixital.
