Malia o forte vento que houbo na xornada de onte, domingo 18, uns 200 corredores/as anímaronse a percorrer os 10 quilómetros da Carreira de Fin de Ano entre Ares e Mugardos, poñendo peche a un evento xa tradicional entre os dous concellos para despedir o ano con deporte e dende o ambiente navideño. Non faltaron, de feito, deportistas facendo guiño ao Nadal.
Así, a proba produciuse sen ningún incidente, pero afectada por esas condicións metereolóxicas adversas que afectaron principalmente aos tramos dentro da contorna municipal de Ares.
Ás 11:00 horas daba comezo a carreira dende o pavillón polideportivo do Cristo de Mugardos, espazo que tamén acolleu a meta e o sorteo das cestas de Nadal, en colaboración con Gadis, entre os corredores que terminaron todo o percorrido. Para a entrega das cestas, acudiron Lucía Blanco, concelleira de Ares, e Juan Domingo de Deus, alcalde de Mugardos.
