A película poderá verse este xoves, 13 de agosto, ás 22:00 horas, no patio das Escolas do Lago (Rúa Real, 117), dentro da programación VeraneAres 2026.
A actividade, promovida pola Concellaría de Cultura coa colaboración da Rede Cultural da Deputación da Coruña, será de balde e estará dirixida a todos os públicos.
O Concello de Ares pechará esta semana o seu Ciclo de Cine de Verán ao aire libre coa proxección de Rondallas, película dirixida por Daniel Sánchez Arévalo.
Baixo o lema “¿A qué suena la ilusión de un pueblo?”, a película presenta unha historia protagonizada pola música, os soños compartidos e a ilusión colectiva, nunha proposta pensada para desfrutar en familia.
A sesión terá lugar ás 22:00 horas nas Escolas do Lago e será unha nova oportunidade para gozar do cine ao aire libre nun espazo emblemático da vila.
Con esta proxección, o Concello de Ares pon o punto final ao seu Ciclo de Cine de Verán, integrado na programación cultural de VeraneAres 2026.
