A pesar da choiva que caeu por momentos durante a xornada, e acompañados dunha néboa matutina, o municipio puido desfrutar onte da decimocuarta edición do seu Mercadillo Veciñal, incluíndo case 120 postos de particulares, tecido asociativo local e profesionais, instalados todos eles no paseo marítimo de Ares.
Veciñanza e visitantes percorreron o Mercadillo dende pola mañá para botar unha ollada á ampla variedade de obxectos de segunda man e artesanías que se sacaron á rúa, dinamizando así a localidade.
Vaixelas antigas, libros, xoguetes, roupa, prantas, tecidos, utensilios domésticos, algún disco de vinilo… e unhas cantas xoias artesáns feitas en Galicia a prezos populares!
FOTOGRAFÍAS: Concello de Ares e María del Carmen Ildefonso.
