Mañá, sábado 3 de decembro ás 19:30 horas, tes a oportunidade de desfrutar do teatro da asociación sociocultural de Canido Muíño do Vento coa peza “Unha obra para un barrio”, escrita e dirixida por Agustín Bolaños. Será no salón de actos da Aianza Aresana.
O luns, 5 de decembro ás 17:30, poderás darlle a benvida ao Nadal escribindo os teus desexos para o 2023 e pendurándoos dunha das árbores próximas á Ponte da Ciscada, no Parque Rosalía. Familias, rapazada e todo aquel que o desexe está convidado a facelo dentro da actividade “Ilumina os teus desexos”!
