Ademais das propostas deportivas e turísticas, a área de Cultura deseñou un programa completo e variado que busca dinamizar e entreter a todos os públicos.
Baixo a dirección de Alma Barrón, responsable de Cultura, revelouse hoxe o tan esperado programa do VeraneAres cultural. Esta planificación permitirá que a localidade de Ares conte cunha oferta cultural completa para familias, adultos e novos, a través de múltiples formatos e celebracións.
En palabras de Barrón, “tanto as actividades municipais como as organizadas por diferentes asociacións contribúen a unha ampla variedade de propostas, que fan de Ares un referente do verán na contorna”. A concelleira tamén destacou que a coordinación coas Concellarías de Turismo e Deportes foi fundamental para achegar á veciñanza un programa diversificado e completo.
A dinamización sociocultural do municipio será levada a cabo mediante unha ampla gama de actividades, que van desde presentacións musicais, animación rueira, presentacións literarias, relatorios monográficos, ata sesións teatrais e proxeccións cinematográficas. En total, preparáronse decenas de actividades, incluíndo os eventos deportivos xa consolidados na localidade, como é o caso das regatas, os torneos de tenis e padel ou os campus do Celta e Chiquibasket.
En definitiva, un conxunto de actividades deseñadas co obxectivo de contruibuir ao bo ambiente e vitalidade do municipio, ofrecendo unha ampla variedade de formatos e eventos dirixidos a persoas de todas as idades.
