Seguindo a proposta de actos de recoñecemento aos máis recentes logros deportivos de Ares, o Concello organizará o sábado, ás 17:00 horas, unha nova homenaxe a outro dos deportistas que levan o nome da localidade máis aló de Ferrolterra e de Galicia.
As autoridades municipais recibirán así a Hugo Martínez Cortizas no salón de plenos do consistorio polo seu posto coma Subcampión Galego de Baile Deportivo en 2022, un logro marcado polo esforzo e a constancia durante anos.
Familia, amizades e toda persoa que desexe trasladar o seu apoio e cariño ao deportista aresán están convidados a sumarse a este recoñecemento institucional!
