O Concello amplía o número de prazas de uso libre, xunto co de parkings públicos, dentro do sistema de regulación do tráfico estival

Comparte esta nota de prensa

Share on facebook
Share on linkedin
Share on twitter
Share on email

Este verán tamén haberá dúas novas áreas municipais de estacionamento no núcleo urbano de Ares e unha redución das zonas azuis -de pago- próxima ó 50 %.

O acceso ós areais de Chanteiro, O Raso e Seselle eliminará as restriccións impostas no seu momento polos condicionantes sanitarios.

Dende o 1 de xullo ata o 31 de agosto, Ares porá en marcha o sistema de regulación do tráfico rodado en período estival co obxectivo de ordenar de maneira segura e racional as superficies susceptibles de aparcamento nunha época de intensa ocupación. Porén, o inicio deste verán trae novidades ao respecto tendo en conta a situación actual do municipio.

O principal cambio afecta ó número de zonas brancas no núcleo urbano, aquelas que son de uso xeral, gratuíto e sen restricións horarias, que se verán aumentadas ata acadar aproximadamente as 800 prazas, unhas 100 máis con respecto ó ano pasado.

A maiores, esta ampliación compleméntase coa adecuación que realizou o Concello de dúas novas áreas de estacionamento público e gratuíto, de tal maneira que haberá un total de 6 parkings no casco urbano, xunto co que se sitúa na entrada á vila (6+1), achegando unha oferta de 520 prazas de emprego libre.

Pola súa banda, a zona verde –aquela designada para os vehículos con IVTM en Ares– manterase nas principais rúas da localidade con 540 prazas a tal uso, de cara a promover unha convivencia o máis óptima posible nun período de alta demanda.

No tocante á zona azul, que obriga á reserva previa e o pago, aplicarase unha redución do seu número, que pasará das aproximadamente 300 prazas na anualidade previa ás 165 actuais, limitándose ó arredor da praia do Xuncal e do Petelo (contorna do Club de Remo de Ares).

O procedemento para a reserva das prazas será telemático, a través de www.aparcares.com, cunha taxa de 1 euro por cada franxa horaria habilitada: haberá dúas horas de pago pola mañá -de 11:00 a 13:00- e outras dúas pola tarde -de 17:00 a 19:00 horas-.

LIBRE ACCESO NAS PRAIAS DE SESELLE, O RASO E CHANTEIRO

Dentro das novidades neste sistema de regulación, tamén se establece o acceso libre nos areais de Chanteiro, O Raso e Seselle, despois dos cambios estipulados na normativa da covid-19. Así mesmo, a área de Redes, con moito tránsito tamén durante o verán, atópase pendente do reordenamento do tráfico rodado

Pódeche interesar

Notas de prensa

Ares contra a Violencia de Xénero

Todo o goberno local de Ares sumouse nestas datas ás reivindicacións do venres, 25 de novembro, Día Internacional da Eliminación da Violencia contra a Muller;