A modernización supón un investimento de 50.000 euros, asumidos polos fondos municipais
O concelleiro de Servizos, Jose Juan Vilar, informou hoxe da finalización do proceso de renovación de contadores na localidade, unha mellora xeral do equipamento que conlevou o cambio de 678 aparatos de medición do consumo de auga.
A actuación vén de realizarse en cumprimento do establecido na Orden Ministerial ICT 155/2020 do Ministerio de Industria, Comercio e Turismo, que expón a obriga de substituír os contadores de auga que teñan máis de 12 anos –a media de vida útil deste equipamento–, fixando un prazo máximo de cinco anualidades para acometer a renovación.
Segundo a información remitida pola Concellaría de Servizos, a mellora implica un investimento de 50.000 euros, IVE incluído, e desembocará nunha xestión máis óptima da medición. Así mesmo, este proceso de modernización continuará ao longo da próxima anualidade, con novas accións planificadas na mesma liña, superando a renovación de milleiro e medio de aparatos métricos unha vez estean finalizadas todas elas.
