A escola da Galiña Azul acolleu esta semana unha sesión de teatro infantil para que os máis pequenos poidan coñecer e gozar das cores que lles rodean a través de diferentes elementos sensoriais.
A compañía Trémola Teatro chegou co seu espectáculo « Leo e as cores» para que os nenos e nenas axudasen a Leo, o león máis curioso de toda a selva, a recuperar as cores que os seus amiguiños o Elefante Ante e a Tartaruga Uga perderon nun día de choiva de pompas!
A obra enmárcase dentro das actividades impulsadas polo Servizo de Normalización Lingüística da Mancomunidade e a concellaría de Cultura de Ares, para fomentar que os nenos de 0 a 4 anos tamén poidan gozar de iniciativas que lles axuden á apredizaxe e á socialización en lingua galega.
