VI CONCURSO DE FOTOGRAFIA XUVENIL CONCELLO DE ARES

Comparte este evento

Share on facebook
Share on linkedin
Share on twitter
Share on email

Gústache a fotografía?

Coñeces o teu pobo?

Tes entre 8 e 18 anos?

Animate, presenta a túa foto

Poderás formar parte do calendario municipal 2023 + Premio da categoría

O obxectivo deste concurso é convidar a xuventude a mirar na súa contorna aresá como contexto onde recoñecer a súa herdanza a través das imaxes, despertando a capacidade de observar todo o que lles rodea e recoñecerse en pequenas historias e/ou paisaxes que dean conta do seu vencellamento cunha memoria colectiva deste pobo. En concreto, invitamos a fotografar espazos, lugares, obxectos, festas e eventos representativos e situacións da súa contorna que consideren parte da súa identidade.

QUEN PODE PARTICIPAR?

Pode participar xente nova de 8 a 18 anos, empadroada en Ares ou que sexa alumnado do CPI As Mirandas.

CALES SON AS CATEGORIAS?

CATEGORÍA A: De 8 a 12 anos

CATEGORÍA B: De 13 a 18 anos

PRAZOS E LUGAR DE ENTREGA

A recepción das obras participantes farase a través do correo electrónico concursofotografia@concellodeares.com

O prazo de presentación será: Do 18 de outubro ás 09:00 h. ata o 4 de novembro ás 20:00 h.

COMO PARTICIPAR?

Poderase mandar un máximo de dúas fotografías por participante e achegar os seguintes datos no correo electrónico que se envíe:

ASUNTO: VI CONCURSO DE FOTOGRAFIA XUVENIL CONCELLO DE ARES

AUTOR E OBRAS: formularios de solicitude de participación e de identificación das fotografías cubertos, asinados e escaneados. Poderá descargar os formularios na páxina web do concello www.concellodeares.gal

No caso de que nas fotografías aparezan terceiras persoas deberá achegar escaneada tamén a autorización de imaxe asinada por elas.

CARACTERISTICAS DAS FOTOGRAFÍAS

  • Todas as fotografías deben conter os datos mencionados no parágrafo anterior
  • So serán admitidas as fotografías en formato dixital e non estará permitido editalas ou melloralas
  • As fotografías deben ter entre 6 e 12 Megapíxels, en formato JPEG ou JPG
  • As fotografías non poden conter imaxes violentas, degradantes ou ataques directos a individuos ou organizacións. Calquera fotografía considerada ofensiva será descalificada
  • As fotografías non deben infrinxir os dereitos de terceiros
  • As fotografías deben ser orixinais, tomadas ao longo do 2022 e non publicadas con anterioridade, así como non ter sido presentadas noutros concursos

FALLO E PREMIOS

  • xurado designado pola Concellaría de Cultura, avaliará as fotografias recibidas en base a: o adecuado seguimento das bases, a creatividade, a orixinalidade da obra e a representatividade do pobo
  • Elixiranse un total de 6 fotos (3 de cada categoría agás excepción motivada do xurado)
  • Cada participante poderá ser finalista só cunha das fotografías presentadas, polo que, no caso de coincidir, o xurado deberá elixir outra no seu lugar.

PREMIOS:

A- As fotografías gañadoras pasarán a formar parte do calendario do concello 2023 que se reparte por todo o municipio, identificando a autoría daquelas.

B- Categoría A

1 º PREMIO- Un lpad

2º e 3° PREMIO- Un lote de libros

Categoría B

1° PREMIO- Cámara de fotos ou lpad

2º e 3º PREMIO- Un lote de libros

CONDICIÓNS XERAIS

  • As persoas participantes no concurso deberán enviar as súas fotos con toda a documentación requirida, en caso contrario non serán admitidas
  • No momento de enviar as fotos, as persoas participantes conceden de xeito gratuito o dereito de usar as fotos de calquera xeito e en calquera medio, incluíndo o dereito sen limitación, depublicar, distribuir, modificar, adaptar e amosar publicamente dito contido
  • O Concello de Ares non asume ningunha responsabilidade por calquera retraso ou perda no envío das fotos
  • As persoas participantes aceptan as bases polo mero feíto de participar no concurso
  • Non poderán participar as persoas gañadoras dos primeiros premios da edición anterior

Prazo: Do 18 de outubro ao 4 de novembro

Envío: de xeito electrónico a concursofotografia@concellodeares.com

Categorías: de 8 a 12 anos e de 13 a 18 anos

Información e dúbidas: na OMIX (Edificio Alianza Aresana, Rúa María 11, Ares) ou no teléfono: 981 448057

FORMULARIO DE INSCRICIÓN en pdf

FORMULARIO AUTORIZACIÓN IMAXES TERCEIROS en pdf

BASES en pdf

Susbcríbete a máis Eventos

Envíanos o teu correo e manterémoste informado

Pódeche interesar...

Eventos

NADAL ARES 2022-2023

Organizan:  Concellaría de Cultura – Concellaría de Deportes e Xuventude DÍPTICO en  pdf

Eventos

XVII CARREIRA POPULAR DE FIN DE ANO

Mugardos – Ares – Mugardos 18 de  decembro Saída ás 11:00 horas dende o Pavillón do Cristo de Mugardos. As inscricións poden realizarse ata o