Esta fin de semana, unhas case 40 veciñas e veciños achegáronse a Santiago para ver o espectáculo “A Peste”, a adaptación teatral da novela de Camus dirixida e asinada por Cándido Pazó. A iniciativa, organizada entre a Concellaría de Cultura e o Centro Dramático Galego, promoveu a accesibilidade ao teatro sufragando tanto o desprazamento coma a entrada á función.
Desta maneira, o espectáculo permitiu trazar paralelismos co experimentado nos últimos tempos, pero tamén desfrutar co humor da adaptación e coas interpretacións do equipo actoral. A función reflexionou sobre o comportamento da sociedade nunha epidemia, pero tamén sobre o valor do amor ou da amizade nas relacións humanas.
Aquí embaixo atoparás algunhas das instantáneas que nos deixou a tarde do sábado en Compostela!
