Onte, uns vinte sendeiristas achegáronse á beleza de Meirás e da praia de Ponzos no marco do sexto itinerario que promoveu a Concellaría de Deportes en colaboración con Kapitrek.
Un percorrido no que houbo algúns puntos de especial interese, coma o espectacular Pico da Vela ou Campelo, o miradoiro dende onde se contempla toda a contorna do Cabo Prior, ou “Pena Molexa”, un conxunto megalítico que é referencia patrimonial polo seu posible vencello cun culto funerario antigo e coas lendas do territorio no que se atopa.
O itinerario acabou na Praia de Ponzos, areal moi frecuentado polos surfeiros/as!
