Baixo o marco da celebración do 25 de novembro, Día Internacional da Eliminación da Violencia de Xénero, afondaron nos modelos positivos de convivencia: aqueles que se fundamentan no respecto das diferencias entre persoas no día a día.
Rubén Villar Trenco, psicólogo da USC e Axente de Igualdade de Oportunidades para a Muller, guiou á rapazada con xogos, vídeos e dinámicas grupais de participación, e tamén traballará a próxima semana con eles na contextualización dos novos conceptos de masculinidade.
Esta iniciativa, fundamentada na prevención da violencia de xénero, inscríbese nos obradoiros control off financiados polo Concello de Ares e o Pacto de Estado e organizados polo Centro de Información á Muller (CIM) municipal e o CPI As Mirandas.
