O Concello Informa do comezo das Obras de Conexión da rede de abastecemento no Mazote coa Rúa María e a Real

Comparte esta nota de prensa

A intervención, cun orzamento próximo aos 35.000 euros, suporá a conexión da tubería principal na zona do Mazote coas rúas María e Real, aproveitando o ramal para dar un mellor servizo na área

A área municipal de Obras e Servizos, a través do seu responsable, José Juan Vilar, vén de informar do inicio este luns das obras de conexión da rede de auga potable na zona do Mazote coas rúas María e Real. Concretamente, o ámbito da actuación afectará á intersección da avenida Federico García Expósito na súa marxe con ambas vías.Vilar explicou que o propósito desta intervención responde a que no punto de entrada ao camiño de Pedrós existe un ramal da tubería xeral desde os depósitos de Catabois, tubería que se pretende aproveitar para dar servizo directo a estas dúas rúas do centro urbano, realizando os traballos necesarios para a conexión e así mellorar o subministro de auga coa presión óptima en toda a área.

O concelleiro detallou que as obras, que contan cun presuposto de 34.804,89 € con cargo a fondos municipais, consistirán na realización de dita conexión mediante a instalación dunha arqueta e un pozo de rexistro, xunto cunha tubería de polietileno de 90 mm de diámetro.

Desde o Concello salientan que durante a realización dos traballos efectuaranse cambios nos sentidos de circulación, que non afectarán significativamente ao tráfico e serán debidamente sinalizados polos operarios da obra e a propia policía local.

 

Pódeche interesar

Notas de prensa

Mestra no Concepción Arenal da Habana, primeira muller en ocupar a Vicepresidencia da Sociedade Fillas de Galicia creada para defender ás emigrantes galegas de calquera abuso e participante no I Congreso de Mulleres de Cuba de 1923, Andrea López Chao foi unha desas referentes que loitou por avanzar na sociedade do século XX.

A súa defensa do sufraxio feminino e da igualdade entre homes e mulleres expoñen a importancia de homenaxeala, xusto como se fixo o domingo pasado