Co lema “Somos Rosalías. Coa forza da lingua”, Ares e o resto de concellos que comparten Servizo de Normalización Lingüística promoven unha campaña dixital para conmemorar a autora máis recoñecida da literatura galega. Unha Rosalía, ademais, imbuída do simbolismo de figuras renovadoras coma as Tanxugueiras!
A campaña vén de activarse este mércores, 16, e invita a toda a veciñanza de Ares a caracterizarse de Rosalía de Castro, enviando as fotografías e vídeos ao correo cultura@concellodeares.com, incluíndo se se quere algunha cita ou verso preferido da poetisa. A recepción de contidos pecharase o luns, 21, para despois difundilos a través das redes sociais e páxinas webs tanto institucionais coma do mesmo Servizo de Normalización Lingüística.
Súmate esta fin de semana a “Somos Rosalías” para reivindicar a unha figura chave dentro da identidade galega!
